अछाम : अछाम प्रहरीले २७ जना जुवाडेलाई पक्राउ गरेको छ । जिल्लाको पञ्चदेवल विनायक नगरपालिका–३ विनायक बजारबाट शुक्रबार राति जुवा खेलिरहेको अवस्थामा उनीहरुलाई पक्राउ गरेको हो ।
पक्राउ परेका जुवाडेहरुबाट ४६ हजार ७ सय ५६ नगदसहित ४ गड्डी नखोलेको तास र ३ सय ८० थान खोलेको तास बरामद भएको अछामका प्रहरी प्रमुख डीएसपि जनकबहादुर शाहीले जानकारी दिए । शुक्रबार राति विनायक बजारमा होहल्लाका साथै जुवातास भईरहेको खबर पाएपछि त्यहाँ पुगेको जिल्ला प्रहरी कार्यालयको गस्ती टोलीले उनीहरुलाई जुवाको खालबाट पक्राउ गरेको प्रहरीले जनाएको छ ।
पक्राउ परेकामध्ये दुई जना गम्भीर प्रकृतिका बिरामी भएकाले छोडिएको छ। ५ जनालाई जिल्ला प्रहरी कार्यालय र अन्य २० जनालाई ईलाका प्रहरी कार्यालय विनायक राखिएको छ ।
प्रतिक्रिया दिनुहोस !
