काठमाडौं : धापासीमा रहेको ग्रान्डी अन्तर्राष्ट्रिय अस्पतालले बिहीबार छैटौं स्थापना दिवस मनाएको छ। अस्पतालले उपचार सेवा संचालन गरेको छ वर्ष पूरा भएको अवसरमा अस्पताल परिसरमा एक कार्यक्रमको आयोजना गरी स्थापना दिवस मनाएको हो।
वार्षिकोत्सव समारोहका प्रमुख अतिथि रहेका उप-प्रधान तथा रक्षामन्त्री ईश्वर पोखरेलले 'ग्रान्डी मेडिकल जर्नल' विमोचन गरे। यो जर्नलमा अस्पतालमा भएका जटिल केसहरुको अनुसन्धान विवरण समेटिएको छ।
यस अस्पतालले उत्कृष्ट सेवा दिँदै आएको छ।चिकित्सक र नर्सिङ स्टाफ सहितको टोली, अत्याधुनिक सुविधा सम्पन्न एमबुलेन्स तथा एयर एम्बुलेन्स सेवाको माध्यमबाट आकस्मिक उपचार र उद्धार गरी बिरामीलाई अस्पतालमा ल्याएर सफल उपचार गराइरहेको छ।
त्यस्तै अस्पतालमा आइसियू सिसियू ,हाईकेयर, एनआइसियू र पिआइसियूको व्यवस्था छ। त्यस्तै यस अस्पतालले हृदयाघात भएर आएका बिरामीका लागि कार्डियाक इन्टरभेन्सनदेखि मुटुमा छुरा रोपिएर आएका बिरामीको सफल शल्यक्रिया गर्दै आएको छ। ग्रान्डीले छिनेका हात र औंला जोड्ने सम्मका जटिल शल्यक्रिया गरी बिरामीको मन जित्न सफल भएको छ।
प्रतिक्रिया दिनुहोस !
