विराटनगर : भारतबाट नेपालतर्फ तस्करी गर्ने धन्दामा संलग्न दुई जनालाई प्रहरीले शुक्रबार विराटनगर महानगरपालिका-१६ दरैया बस्तीबाट पक्राउ गरेको छ।
विराटनगर- ११ का २२ वर्षीय पप्पु कामत र विराटनगर-६ का २२ वर्षीय कृपानन्द चौधरीलाई इलाका प्रहरी कार्यालय रानीका इन्सपेक्टर इन्द्रबहादुर रानाको नेतृत्वमा खटिएको प्रहरीको विशेष टोलीले पक्राउ गरेको हो। पक्राउ परेकाको साथबाट ठूलो परिणामको सूर्ती र सूर्ती तस्करीमा प्रयोग गरिएको को २२ प २८५२ नम्बरको मोटरसाइकल प्रहरीले बरामद गरेको छ।
मोरङ प्रहरीका प्रवक्ता डीएसपी घनश्याम श्रेष्ठका अनुसार प्रहरीको उच्च निगरानीकै कारण तस्करीमा संलग्न पक्राउ परेको दाबी गरे।
उनका अनुसार नेपाल र सशस्त्र प्रहरीको समन्वयमा नेपालतर्फ आउने सवारी साधन, मानिसमाथि चेकजाँच बढाइएको छ।
प्रहरीले बरामद गरेको पाँच सय २० पोका सूर्ती, मोटरसाइकल र पक्राउ परेका दुबै जनालाई आवश्यक कारवाहीका विराटनगर भन्सार कार्यालयमा बुझाएको छ।
प्रतिक्रिया दिनुहोस !
