काठमाडौं : पेशागत सुरक्षाको माग गर्दै आन्दोलनमा उत्रेका सामूदायिक विद्यालयका राहत कोटाका शिक्षक, बाल विकास सहयोगी कार्यकर्ता र सरकारबीच सहमति भएको छ ।
शिक्षा विज्ञान तथा प्रविधि मन्त्रालयसँग भएको वार्तामा सहमति जुटेपछि विद्यालय बन्द गरेर आन्दोलनमा उत्रेका शिक्षकहरु पढाउन फर्किन सहमत भएका छन् ।
वार्ताको क्रममा राहत कोटामा नियुक्त भएका शिक्षक र वाल विकास केन्द्रमा सहयोगी कार्यकर्ताकारुपमा कार्यरत शिक्षकलाई निश्चित मापदण्डको आधारमा दरबन्दीमा परिणत गर्ने र तोकिए बमोजिम आन्तरिक तथा खुल्ला प्रतिस्पर्धामा सहभागी गराउने सहमति भएको छ । यो सँगै उनीहरुबीच तीन बुँदे सहमति भएको छ ।
मुलुकभर प्राथमिक, निम्न माध्यमिक र माध्यमिक तहमा समेत गरेर ४० हजारको हाराहारीमा राहत शिक्षक कार्यरत छन् । सरकारले विद्यालय तहमा शिक्षक अभाव भएपछि अस्थायी दरवन्दीको सिर्जना गरेर विद्यार्थी भएका विद्यालयमा राहत कोटामा शिक्षक नियुक्त गरेको थियो । अहिले तीनै शिक्षकले आफूहरुलाई स्वत दरवन्दीमा रुपान्तरा गर्नुपर्ने र आन्तरिक प्रतिस्पर्धा गराएर स्थायी गर्नुपर्ने माग गरेका छन् ।
आफूहरुको माग विपरित शिक्षा मन्त्रालयले संघीय शिक्षा ऐन ल्याउन लागेको भन्दै उनीहरु लामो समयदेखि आन्दोलनमा छन् ।
प्रतिक्रिया दिनुहोस !
