फिदिम : जंगलमा लागेको आगो बस्तीसम्म फैलदा पाँचथरको हिलिहाङ गाउँपालिका ३ डाँडेमा छ घर जलेका छन्। शनिबार दिउँसो जंगलमा लागेको आगो नियन्त्रणमा लिन नसक्दा बस्तीसम्म फैलिएको हो।
आगोले मनप्रसाद पालुङ्वा, हर्कबहादुर पालुङ्वा, राजकुमार पालुङवा, तेजमाया पौडेल, डम्बर पालुङ्वा र धनप्रसाद पालुङ्वाको घर जलेको जिल्ला प्रहरी कार्याल पाँचथरका प्रहरी निरीक्षक अनिलकुमार पौडेलले जानकारी दिए।
आगलागीबाट ४१ लाख बराबरको क्षति भएको प्रहरीको भनाइ छ। छ घरसहित दुई गोठ जलेर खरानी भएका छन्।
बस्तीसम्म फैलिएको आगो जनपथ प्रहरी, नेपाली सेना र स्थानीयले नियन्त्रणमा लिएका हुन्। ‘सुख्खा क्षेत्र भएकाले तत्काल आगो नियन्त्रणमा लिन सकिएन,’ पौडेलले भने ‘सबैको प्रयासबाट आगो नियन्त्रण गरिएकाले गाउँका अन्य घरमा आगो फैलिन पाएन।’
प्रतिक्रिया दिनुहोस !
