धरान : सुनसरी उद्योग बाणिज्य संघको अध्यक्षमा व्यवसायी गिरीधारी सापकोटा निर्वाचित भएका छन्। सापकोटाले ७ सय ४१ मत प्राप्त गरी तीन वर्षका लागि अध्यक्षमा निर्वाचित भएका हुन्। उनका निकटतम प्रतिद्वन्दी व्यवसायी विजय श्रेष्ठले ६ सय ६३ मत प्राप्त गरेका छन्। निर्वाचित भएका सापाकोटालाई नेकपा र पराजित श्रेष्ठलाई कांग्रेसले समर्थन गरेको थियो।
त्यस्तै, उद्योग तर्फको सदस्यमा प्रभाव खतिवडा, पियुषराज आचार्य, महेन्द्र प्रधान र विष्णु बराल निर्वाचित भएका छन्। बाणिज्यतर्फको सदस्यमा नविनराज भण्डारी, सिताराम आचार्य, अशोक जैन, मानबहादुर विक, मनोज श्रेष्ठ, राजेश अग्रवाल, सशी साह र दिनेश राई निर्वाचित भएका छन्।
बाणिज्य तर्फको महिला सदस्यमा शुभेच्छा अधिकारी श्रेष्ठ निर्वाचित भइन्। एशोसियटतर्फ अनिल अग्रवाल, गोपाल श्रेष्ठ र राजेश अग्रवाल निर्वाचित भएका छन्।वस्तुगत सदस्यतर्फ शिवराज श्रेष्ठ, रामस्वरुप शर्मा र उद्योग महिला सदस्यमा एलिना मगर निर्विरोध निर्वाचित भए। निर्वाचनमा एक हजार ४ सय ३४ मत खसेको थियो। संघको अन्य पदाधिकारीको जिम्मेवारी भने पहिलो बैठकले तोक्ने बताइएको छ।
निर्वाचित भएपछि सापकोटाले समग्र व्यपारी, व्यवसायीलाई एकताबद्ध गराई व्यवसायिक हितमा लागि पर्ने प्रतिबद्धता जनाएका छन्।
प्रतिक्रिया दिनुहोस !
