धनगढी : यस वर्षको मनिराज वाङ्मय पुरस्कार वरिष्ठ साहित्यकार दधिराज सुवेदीलाई प्रदान गरिने भएको छ। मनिराज वाङ्मय पुरस्कार विराटनगरमा रहेर साहित्यमा सक्रिय वरिष्ठ साहित्यकार दधिराज सुवेदीलाई प्रदान गरिने नेपाली साहित्य तथा संस्कृति प्रतिष्ठान गोदावरीका अध्यक्ष पदमराज जोशीले जानकारी दिए।मनिराज वाङ्मय पुरस्कार धनगढीका साहित्यकार मनिराज जोशीका छोरा गोविन्दराजले स्थापना गरेका हुन्।
भाषा विज्ञ एवं साहित्यकार डिल्लीराज फुलाराको संयोजकत्वमा गठन भएको तीन सदस्यीय समितिले गरेको सिफारिसानुसार सुवेदीलाई उक्त पुरस्कार दिने निर्णय गरिएको प्रतिष्ठानले आइतबार पत्रकार सम्मेलनमा जानकारी दिएको हो।
गत वर्ष उक्त पुरस्कार राष्ट्रकवि माधव प्रशाद घिमिरेलाई प्रदान गरिएको थियो।
प्रतिक्रिया दिनुहोस !
