जानकी मन्दिरमा योग दिवस (फोटो फिचर)
जनकपुरधाम : जनकपुरको जानकी मन्दिर प्रांगणमा भव्यताका साथ पाँचौ अन्तराष्ट्रिय योग दिवस मनाइएको छ। सगरमाथा बेस क्याम्पबाट नेपालमा सुभारम्भ भएको योग दिवस जनकपुरसम्म आइपुग्दा यसमा सहभागिता जनाउनेको संख्या पनि बाक्लिदै गएको छ।
जानकी मन्दिरको प्रांगणमा शुक्रबार आयोजना गरिएको विशेष योग शिविरमा उपप्रधान एवम् स्वास्थ्य तथा जनसंख्या मन्त्री उपेन्द्र यादव, प्रदेशका मुख्यमन्त्री मोहम्मद लालबाबु राउत गद्दी, प्रदेश प्रमुख रत्नेश्वरलाल कायस्थ, सभामुख सरोज कुमार यादव, यस क्षेत्रका निर्वाचित प्रतिनिधि सभा सदस्य राजेन्द्र महतोलगायत राजनीतिक दलका नेताको सहभागिता रह्यो।
त्यसैगरी, व्यापारी, कर्मचारी र सर्वसाधारणको पनि योग दिवसमा बाक्लो उपस्थित थियो। शिविरको उद्घाटन क्रममा बेल्दै उपप्रधान एवम् स्वास्थ्य तथा जनसंख्यामन्त्री यादवले मानसिक तनाव कम गर्न योगको भूमिका निकै महत्वपूर्ण रहेको बताए ।