नेपालगञ्जमा अन्नपूर्ण पत्रिका बोकेको जीप दुर्घटना, ३ जना घाइते
असार १३, २०७६ शुक्रबार ११:९:०
धनगढी : नेपालगञ्जबाट धनगढी आइरहेको जीप कैलालीको वनवेहडामा दुर्घटना हुँदा ३ जना घाइते भएका छन् । नेपालगञ्जबाट अन्नपूर्ण पोष्ट दैनिक पत्रिका बोकेको भे १ च २२६४ नम्बरको जीप र से १ त ५३८४ नम्बरको ट्याक्टर ठोकिँदा दुर्घटना भएको इलाका प्रहरी कार्यालय चौमालाका इन्चार्ज विधुरबहादुर चन्दले जानकारी दिए ।
दुर्घटनामा जीप चालक सहित ३ जना घाइते भएका छन् । चालक विक्रान्त खत्री र जीपमा सवार गोविन्द राना, कमल उपाध्याय घाइते भएको प्रहरीले जानकारी दिएको छ ।
जीप पूर्ण रुपमा क्षति भएको छ । ट्याक्टरमा पनि क्षति पुगेको प्रहरीले जानकारी दिएको छ । घाइतेको अत्तरियास्थित पद्मा अस्पतालमा उपचार भइरहेको छ ।
प्रतिक्रिया दिनुहोस !
