काठमाडौं : प्रहरीले रसुवा गोसाइँकुण्डका पेम्बा दिन्डुप तामाङलाई नागढुंगाबाट एक किलो सुनसहित पक्राउ गरेको छ।
बुधबार राति महानगरीय प्रहरी वृत्त थानकोट प्रभागअन्तर्गतको नागढुंगाको संयुक्त टोलीले सुन बरामद गरेको हो। तामाङले पाइन्टको पेटी लगाउने ठाउँमा चार वटा सुनका टुक्रा लुकाइ ल्याएका थिए।
लुकाइ छिपाइ सुन आउँदै गरेको पूर्वसूचनाका आधारमा प्रहरीले तामाङ चढेको मोटरसाइकल रोकी खानतलासी गरेको थियो। प्रहरीले छानबिनका लागि तामाङलाई राजस्व अनुसन्धान विभागमा बुझाएको छ।
प्रतिक्रिया दिनुहोस !
