फिदिम : फालेलुङ गाउँपालिका ३ मेमेङमा घरसँगै जलेर एक ८५ वर्षीया वृद्धाको ज्यान गरेको छ । सोमबार राती करिब ११:३० बजेतिर घरमा आगलागी हुँदा जलेर टंकरानी थाम्सुहाङको ज्यान गएको प्रहरीले जनाएको छ।
टंकरानीको घरमा आगलागी भएको देखेपछि स्थानीयले नियन्त्रण गर्ने प्रयास गरेका थिए । तर, आगोले ठूलो रुप लिएपछि नियन्त्रणको प्रयास सफल भएन। स्थानीय गणेश थाम्सुहाङका अनुसार आगोले घर खरानी भएपछि टंकरानीलाई खोजि गर्दा उनी पनि जलेर खरानी भएको अवस्थामा भेटिएको हो ।
टंकरानी घरमा एक्लै बस्ने गर्थिन्। जाडोको सिजन भएकाले उनी आगो तापेर रात कटाउने गरेकी थिइन् । आगो ताप्ने क्रममा उनको शरीरमा आगो सल्किएपछि घरमा पनि आगो लगेको हुनसक्ने प्रहरीको अनुमान छ।
प्रतिक्रिया दिनुहोस !
