बेनी : म्याग्दीको अन्नपूर्ण गाउँपालिका २ भुरुंग तातोपानीबाट प्रहरीले लागुऔषध चरेशसहित दुईजनालाई पक्राउ गरेको छ। १४२ ग्राम चरेशसहित अन्नपूर्ण गाउँपालिका २ भुरुंग तातोपानीका ४४ वर्षीय हेमु ज्वारचन र ३७ वर्षीय अशोककुमार घर्तीलाई पक्राउ गरिएको प्रहरी निरीक्षक ध्रुवप्रसाद शर्माले जानकारी दिए ।
ज्वारचन सञ्चालक रहेको बाबा पुल हाउबाट उनीहरु पक्राउ परेका हुन् । पुल हाउसमा चरेशको कारोबार हुने गरेको सूचनाको आधारमा प्रहरीले छापा मारेको थियो । ज्वारचनको साथबाट ४४ ग्राम र घर्तीको साथबाट ९८ ग्राम चरेश बरामद भएको हो ।
घर्ती भुरुंग तातोपानीमा ट्रेकर किराना पसलका सञ्चालक हुन् । म्याग्दी जिल्ला अदालतबाट पक्राउ पूर्जी समर्थन गराई अनुसन्धानका लागि बुधबार ५ दिनको म्याद थप गरी जिल्ला प्रहरी कार्यालयको हिरासतमा राखिएको छ।
फागुन १३ गते पक्राउ परेका उनीहरुलाई लागुऔषध नियन्त्रण ऐन २०३३ को परिच्छेद २ को दफा ४ (क) बमोजिम मुद्दा चलाइएको प्रहरीले जनाएको छ । पक्राउ परेकाको साथबाट बराम लागुऔषध ५० ग्रामसम्म भए तीन महिना कैद वा तीन हजार रुपैयाँसम्म जरिवाना हुने ऐनमा उल्लेख छ ।
पचास ग्रामदेखि माथि ५०० ग्रामसम्म भए १ महिनादेखि १ वर्षसम्म कैद र १ हजारदेखि पाँच हजारसम्म जरिवाना हुने कानुनी व्यवस्था छ ।
प्रतिक्रिया दिनुहोस !
