भरतपुर अस्पतालमा मृत्यु भएका युवाको कोरोना रिपोर्ट नेगेटिभ
जेठ २४, २०७७ शनिबार १७:१३:०
चितवन : भरतपुर अस्पतालको कोभिड आइसियुमा मृत्यु भएका युवाको कोरोना रिपोर्ट नेगेटिभ आएको छ । भरतपुर कोभिड १९ प्रयोगशालामा गरिएको स्वाब परीक्षणको क्रममा कोरोना नभएको प्रयोगशालाका वरिष्ठ टेक्नोलोजिष्ट दिपक सुवेदीले जानकारी दिए ।
मृत्यु हुने २७ वर्षीय युवा भारतबाट आएका थिए । उनी माडीमा क्वारेन्टाइनमा बसेका थिए । ज्वरो आएपछि शुक्रवार भरतपुर अस्पताल लगिएको थियो ।
शनिबार बिहान ज्वोरोका कारण निधन भएपछि कोरोना संक्रमणको शंका गरिएको थियो ।
'मृत्यु हुनुअघि युवा कामेका थिए । छारे रोगजस्तै कामेका थिए ’, भरतपुर अस्पतालका प्रमुख मेडिकल सुपरीटेन्डेण्ट डा श्रीराम तिवारीले भने, ‘ज्वरो आएकोले कोरोनाको शंका गरे पनि त्यो नभएको पुष्टि भएको छ। ’
उनी दुई साताअघि मात्रै नेपाल आएका थिए । ढाडको हड्डी भाँच्चिएको र खुट्टा नचल्ने समस्याले भारतमा उपचार गराउन गएका थिए ।
प्रतिक्रिया दिनुहोस !
