रुकुम पश्चिमका स्वास्थ्यकर्मीसहित ८ जनामा कोरोना संक्रमण
असार १६, २०७७ मंगलबार १८:१२:०
रुकुम : रुकुम पश्चिममा एक स्वास्थ्यकर्मीसहित आठ जनालाई कोरोना भाइरस संक्रमण भएको छ । जिल्लाको चौरजहारी नगरपालिकाका ८ जना व्यक्तिमा कोरोना भाइरस पुष्टि भएको हो ।
केही समय पहिले भारतबाट आएका ७ जना र एक स्वास्थ्यकर्मीमा कोरोना रिपोर्ट पोजिटिभ आएको प्रमुख जिल्ला अधिकारी उपेन्द्रराज पौड्यालले जानकारी दिए । नगरपालिका–१ का ८, १९, २६, २९, ३४ र ५० वर्षीय पुरुष वडा नम्बर ३ का २७ वर्षीय पुरुष र वडा नम्बर ९ का २० वर्षीय पुरुषमा कोरोना संक्रमण पुष्टि भएको रिपोर्ट आएको उनले बताए । यसका साथै बाँकेको नेपालगञ्ज घर भइ चौरजहारीमा व्यवसाय गर्दै आएको एक पुरुषमा पनि कोरोना संक्रमण भएको बताइएको छ ।
उनीहरू सबैलाई चौरजहारी अस्पतालको आइसोलेसन कक्षमा राखिएका बताइएको छ । कोरोना संक्रमित सबैको स्वास्थ्य अवस्था सामान्य रहेको प्रजिअ पौड्यालले बताए ।
प्रतिक्रिया दिनुहोस !
