पाल्पामा ४७ जनाले कोरोना जिते
![पाल्पामा ४७ जनाले कोरोना जिते](https://annapurnapost.prixacdn.net/media/albums/Palpa-Swab-Sankalan-Gardai-Healthkarmi-photo_20200603051548_TP3IZ8V621.jpg)
तानसेन : पाल्पामा ४७ जना कोरोना संक्रमणबाट निको भएका छन् । जिल्लाका विभिन्न स्थानको आइसोलेसनमा बसेका सक्रमित मध्ये सोमबा मात्र रम्भा गाउँपालिकाका–१७ जना र रैनादेवी छहरा गाउँपालिकाका १२ जना गरी २९ जना संक्रमित निको भएर घर फर्किएका छन् ।
रम्भा गाउँपालिकाका १७ जना लुम्विनी मेडिकल कलेज प्रभासको आइसोलेशन सेन्टरमा उपचारत थिए । निको भएकालाई अस्पतालबाटै गाडीमा राखेर घरमा पु¥याएको गाउँपालिकाका अध्यक्ष विष्णुप्रसाद भण्डारीले जानकारी दिए । अहिलेसम्म रम्भा गाउँपालिमामा ३९ जना सक्रमण भएकोमा २५ जना निको भई घर फर्किएका छन् ।
माथागढी गाउँपालिकामा २९ जना सक्रमित मध्ये २ जना उपचारपछि घर फर्किएका छन् । रिब्दीकोट गाउँपालिकामा ५ जना सक्रमित मध्ये १ जना निको भएका छन । रामपुर नगरपालिकामा ११४ जना सक्रमित मध्ये २ जना निको भएका छन् । निस्दी गाउँपालिकाका ९५ जना सक्रमित मध्ये १ जना निको भएका छन । पूर्वखोला गाउँपालिकाका १ सय ५९ सक्रमणमध्ये १ जना निको भएका छन र लुम्विनी मेडिकल कलेजमा आइसोलेसनमा उपचार गुल्मीको रुरु गाउँपालिकाका १ जना निको भएर घर फर्किएको जिल्ला स्वास्थ्य कार्यालय पाल्पाका सूचना अधिकारी ओमप्रकाश पंन्थीले बताए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)