दाङ : दाङमा सहल किरा फेरि देखिएको छ। असार १६ गते दाङमा आएको सहल किरा पुनः आइतबार दाङमा देखिएको हो। दाङको राप्ती गाउँपालिका वडा नम्बर २, ३ र ४ मा ठूलो संख्यामा सलह किरा देखिएको छ। गाउँ नै ढाक्ने गरी सलह किरा आएको स्थानीले बताएका छन्।
सलह उडेको देख्नासाथ स्थानीयले खेतबारीमा पुगेर रित्ता भाँडा ठटाएका छन्। सलहले मकैबाली खाएर सखाप पारेको राप्ती गाउँपालिकाको लालमटियाका स्थानिय बासुदेव न्यौपानेले जानकारी दिए। सअघि दाङमा सलह किराले झण्डै साढे ३ सय हेक्टर क्षेत्रफलमा क्षति पुर्याएको थियो। सलहले मकै, धान र तरकारीबालीमा गरी ३ सय ३८ हेक्टर क्षेत्रफलमा क्षति गरेको कृषि ज्ञान केन्द्र दाङले जानकारी दिएको छ।
घोराही उपमहानगरपालिकामा ६ हेक्टर, तुलसीपुर उपमहानगरपालिकाका ५० हेक्टर, लमही नगरपालिकामा १५ हेक्टर, शान्तिनगरगाउँपालिकामा २ सय हेक्टर, दंगिशरणमा २० हेक्टर, बंगलाचुलीमा ५० हेक्टर, गढवा र राप्तीमा डेढ डेढ हेक्टर क्षेत्रफलमा लगाईएको मकै, धान र तरकारीबालीमा सलहले नोक्सान पुर्याएको छ। ३ सय ३८ हेक्टर क्षेत्रफलमा सलह बसेको र आंशिक देखी पूर्णरुपमा क्षति पुर्याएको केन्द्रका बाली संरक्षण अधिकृत रुद्रमणी पौडेलले जानकारी दिए।
प्रतिक्रिया दिनुहोस !
