तानसेन : सिद्धार्थ राजमार्गको तानसेन वुटवल सडकखण्ड अवरुद्ध भएको छ । शुक्रवार रातिदेखि तानसेन बुटवल सडकखण्डको गौडेपुलमा पहिरो खसेपछि अवरुद्ध भएको सडक शनिवार दिनभरी खुलाउने प्रयास जारी राखेपनि सफल हुन सकेन ।
लगातार खसिरहेको पहिरो हटाउन नसकेपछि प्रहरीले यात्रुलाई वैकल्पिक सडक प्रयोग गर्न अनुरोध गरेको छ । हामीले शनिवार दिनभरी पहिरो पन्छाउने प्रयास भएको जिल्ला प्रहरी कार्यालय पाल्पाका सूचना अधिकारी मदन गिरीले जानकारी दिए। शुक्रवार पहिरोले पुरिएको लु २ ख ११७१ नम्बरको ट्रकलाई भने पहिरोबाट निकालिएको छ ।
एकहप्ताको अवधिमा पहिरोको कारण तानसेन वुटवल सडकखण्ड ५ दिन सडक अवरुद्ध भएको छ । पहिरो पन्छाएर सडक सूचारु गरेको केही समयमा पुन पहिरो खस्ने समस्याले सताएको डिभिजन सडक कार्यालय पाल्पा डिभिजन प्रमुख मुकुन्दाज अधिकारीले जानकारी दिए ।
बिहीवार गौडेपुल नजिकै खसेको पहिरो पन्छाएर सडक सुचारु गरिएपनि शुक्रबार रातिदेखि पुन पहिरो खसी तानसेन बुटवल सडक अवरुद्ध भएको हो ।
यसैगरी पाल्पाको रैनादेवी छहरा गाउँपालिका–३ पट्टाचौरमा रिडिखोला तर्नेक्रममा सन्धिखर्क नगरपालिका–८ का ४० वर्षीय देवबहादुर मुखिया मृत्यु भएको छ । प्रहरीले मृतक मुखियालाई गुल्मी छत्रकोट गाउँपालिका–६ का मनाभागमा रिडी खोलामा मृत अवस्थामा फेला पारेको हो।
प्रतिक्रिया दिनुहोस !
