रुकुम : रुकुम पश्चिम प्रहरीले विप्लव समूहका जिल्ला सेक्रेटरीसहित चारजना पक्राउ परेका छन् । लुकुछिपी विभिन्न गतिविधि गरिरहेको विशेष सूचनाका आधारमा जिल्ला सेक्रेटरी मुसीकोट नगरपालिका-६ घर भएका विप्लव समूहका जिल्ला सेक्रेटरी ३९ वर्षीय हिरामणी रावलसहित अन्य तीनजनालाई पक्राउ गरिएको प्रहरीले जानकारी दिएको छ ।
जिल्लाको आठविसकोट नगरपलिका-९ राडीबजारमा लुकिछिपी विभिन्न गतिविधि गरिरहेको विशेष सूचनाका आधारमा उनीहरुलाई पक्राउ गरिएको जिल्ला प्रहरी कार्यालय रुकुम पश्चिमका प्रमुख, डिएसपी ठगबहादुर केसीले जानकारी दिए ।
पक्राउ पर्नेहरुमा जिल्ला कमिटी सदस्य त्रिवेणी गाउँपालिकाका २० वर्षीय घमण्ड महर, अखिल क्रान्तिकारीका जिल्ला अध्यक्ष १९ वर्षीय प्रेमप्रशान्त बोहरा, विप्लवका कार्यकर्ता २० वर्षीय तुलबहादुर घर्ती रहेको उनले जनाए ।
उनीहरुलाई राडी बजारमा रहेको एक होटलको कोठामा विभिन्न विषयमा छलफल गरिरहेको अवस्थामा पक्राउ गरिएका प्रहरीको भनाइ छ । पछिल्लो प्रहरी प्रधान कार्यालयले फरार अभियुक्त र राज्य विरुद्ध गतिविधि गर्नेलाई कानुनी कारबाही गर्न निर्देश दिएपछि प्रहरी सक्रिय भएको छ ।
प्रतिक्रिया दिनुहोस !
