संखुवासभा: खाँदबारी नगरापलिका–८ का स्थानीय पवन बजागाईँले वैवाहिक जीवनको शुभारम्भको अवसरमा अक्षयकोष स्थापना गरेका छन् ।
नेपाली सेनामा कार्यरत बजगाईँले विवाहको खर्च कटौती गरेको रकमले अक्षयकोष स्थापना गरेका हुन् । बजगाईँले बरुण बहुमुखी क्याम्पस खाँदबारीमा १ लाख २५ हजार ५ सय २५ रुपौयाँको अक्षयकोष स्थापना गरेका हुन् ।
उनले आफ्ना बुवाआमा ‘रोहितप्रसाद, पदमकुमारी र तुलसा बजगाईँ’अक्षयकोष स्थापना गरेका हुन् । दम्पती पवन र समीक्षाले विवाहकै दिन एक कार्यक्रम गरी क्याम्पसका सहायक प्रमुख चित्ररेखा अधिकारीलाई रकम हस्तान्तरण गरेका हुन् ।
आर्थिक अवस्था कमजोर भएर उच्च शिक्षा अध्ययनमा समस्या भएका विद्यार्थीलाई सहयोग पुर्याउने उद्देश्यले अक्षयकोषको स्थापना गरेको बजगाईँले बताए । बजगाईँले भने‘विवाहका लागि छुट्याएको रकम कटौती र टीका लगाएर जम्मा भएको रकमबाट गरिव विद्यार्थीको भविश्य उज्वल बनोस् भनेर कोषको स्थापना गरेको हुँ ।’
आफू नेपाल आर्मीमा कार्यरत रहेकाले सैनिक र नागरिक सम्बन्ध विस्तारमा समेत सहयोग पुर्याउने लक्षले कोष स्थापना गरेको पनि उनी बताउँछन् ।
त्यसैगरी जिल्ला स्थापना हुन लागेको ब्लड बैंक सञ्चालनका लागि हजुरआमा भद्रमायाको नाममा ११ हजार १ सय ११ रुपैयाँ हस्तान्तरण गरेका हुन् । विवाह सुरुवातकै अवसरमा बजगाईँले महेन्द्र माध्यमिक विद्यालय मानेभञ्ज्यामा अध्ययनरत सुस्त श्रवण तथा बहिरा श्रोत कक्षाका विद्यार्थीलाई लत्ताकपडा सहयोग गरेका छन् ।
प्रतिक्रिया दिनुहोस !
