बर्दिवासमा मोटरसाइकल दुर्घटना, दुईजनाको मृत्यु, तीन घाइते
असोज २७, २०७८ बुधबार १२:२८:०
महोत्तरी : महोत्तरीको बर्दिवासमा मोटरसाइकल दुर्घटनामा दुईजनाको मृत्यु भएको छ । पूर्वपश्चिम राजमार्गअन्तर्गत बर्दिवास नगरपालिका ४ पन्चधुरा मन्दिर जाने गेटको अगाडि भएको दुर्घटनामा परी दुईजनाको मृत्यु भएको छ भने तीनजना घाइते भएको प्रहरीले जनाएको छ।
ज १२ प २९६१ नं.को मोटरसाइकल र प्र २-०१-००२ प-०५९७ नं.मोटरसाइकल ठोक्किँदा दुर्घटना भएको हो । दुर्घटनामा परि बर्दिवास नगरपालिका ३ गौरीडाँडाका २६ वर्षीय सुरज तामाङ र सर्लाही ईश्वरपुर नगरपालिका १ का २८ वषीय विजयकुमार महतोको मृत्यु भएको हो । दुर्घटना मंगलबार राति भएको हो।
त्यस्तै, दुर्घटनामा ज १२ प २९६१ नं.को मोटरसाइकलमा सवार बर्दिवास ३ गौरीडाडा का सोनुसिंह गम्भीर घाइते भएका छन्। उनलाई थप उपचारका लागि न्युरो अस्पताल काठमाडौं पठाइएको प्रहरीले जनाएको छ ।
यता दुवै मोटरसाइकल प्रहरीको नियन्त्रणमा रहेको छ भने मृतक शव अझ अस्पतालमै रहेको इलाका प्रहरी कार्यालय वर्दिवासले जनाएको छ ।
प्रतिक्रिया दिनुहोस !
