स्वर्गद्वारी जाँदै गरेको अटो दुर्घटना : बावुछोराको मृत्यु, चार घाइते
मंसिर २०, २०७८ सोमबार १६:१९:०
बुटवल : प्यूठानमा टिपरले अटो रिक्सालाई ठक्कर दिँदा बावुछोराको घटनास्थलमै मृत्यु भएको छ। विजुवारबाट स्वर्गद्वारी मन्दिर दर्शनका लागि गएका प्यूठान नगरपालिका ३ घुर्चनेका ३५ वर्षीय अमृत थापा र उनका ६ वर्षीय छोरा सुशान्त थापाको घटनास्थलमै ज्यान गएको जिल्ला प्रहरी कार्यालय प्यूठानले जनाएको छ ।
दुर्घटनामा चारजना घाइते भएका छन् । घाइतेहरुको प्यूठान अस्पतालमा उपचार भइरहेको छ। चकचकेबाट विजुवारतर्फ आइरहेको ना.८.ख ३९०३ नम्बरको टिपरले लु.१.ह ५७०७ नम्बरको अटोलाई ठक्कर दिएको प्रत्यक्षदर्शीहरुले बताएका छन् ।
मृतका आफन्त घटनाका दोषीलाई कारबाही तथा क्षतिपूर्तिको माग राख्दै शव उठाउन मानेका छैनन्। भालुबाङ–प्यूठान सडकखण्ड ४ घण्टादेखि अवरुद्ध छ ।
प्रतिक्रिया दिनुहोस !
