महोत्तरी : बाक्लो हुस्सु र चिसोपनाको कारण जनजीवन अत्याधिक मात्रामा प्रभावित भएपछि महोत्तरीको गौशालामा जनता समाजवादी पार्टीकी नेतृ रामकुमारी महतोले कम्बल वितरण गरेकी छिन् ।
अन्तराष्ट्रिय नयाँ वर्ष २०२२ को अवसरमा चियापान कार्यक्रमको आयोजना गर्दै गौशाला नगरपालिका-२ निगौलका विपन्न एवम् दलित समुदायलाई राहतस्वरुप कम्बल वितरण गरिएको हो ।
नेतृ रामकुमारीले व्यक्तिगतरुपमा स्थानीय १ हजार १ सय घरपरिवारलाई जनही १ थानका दरले कम्बल वितरण गरेकी हुन् ।
जाडोयाममा खासगरि वृद्धवृद्धा, गरिब, विपन्न, असहाय अनि पिछिडिएको समुदाय प्रत्यक्ष रुपमा प्रभावित भएपछि उनीहरुलाई जाडोबाट बचाउनका निम्ति प्रतिघरपरिवार एक थानका दरले कम्बल वितरण गरिएको नेतृ महतोले बताईन् ।
आज पहिलो दिन सो संख्यालाई वितरण गरिएको र आवश्यक परेको स्थानमा यो कार्यक्रमलाई निरन्तरता दिईने नेतृ महतोको भनाई रहेको छ ।
त्यस्तै नेतृ महतोले ५ थान कम्बल ईलाका प्रहरी कार्यालय गौशालाका प्रहरी निरीक्षक विष्णुप्रदीप बस्याललाई प्रदान गरेकी छिन् । चिसोबाट कैदीबन्दीलाई बचाउनका निम्ति सो कम्बल प्रयोगमा ल्याउने प्रहरीले जनाएको छ ।
प्रतिक्रिया दिनुहोस !
