दुई घण्टाको अन्तरालमा दुई जनाले गरे आत्महत्या
![दुई घण्टाको अन्तरालमा दुई जनाले गरे आत्महत्या](https://annapurnapost.prixacdn.net/media/albums/sucide_20200318125244_EhDqH9eH4g.jpg)
महोत्तरी : महोत्तरीमा दुई घण्टाको अन्तरालमा दुईजनाले आत्महत्या गरेका छन् । शनिबार जिल्लाका फरक फरकस्थानमा गरी दुई घण्टाकै अन्तरालमा दुई जनाले दिउँसो आत्महत्या गरेका हुन् ।
जिल्ला प्रहरी कार्यालय महोत्तरीले दिएको जानकारी अनुसार शनिबार विहान ११ बजेको समयमा पिपरा गाँउपालिका-४ पर्साका २२ वर्षीय रामसुन्दर यादव आफ्नै घरको छानोको बलोमा गम्छाको पासो लगाई झुण्डिदाँ उनको घटनास्थलमै मृत्यु भएको हो । यस्तै मध्यान्ह १२ः४५ बजे गौशाला नगरपालिका-६ फुलकाहाका १५ वर्षीय विजय यादव पनि आफ्नै घरको काठको बलोमा पासो लगाई झुण्डिएको अवस्थामा उनको शव फेला परेको प्रहरीले जनाएको छ ।
प्रहरीले प्रारम्भिक मुचुल्का सम्पन्न पश्चात पोष्टमार्टम गरी शव उनीहरुको आफन्तले बुझेको महोत्तरीका प्रहरी प्रवक्ता डिएसपी प्रकाश विष्टले बताए । घटनाको सम्बन्धमा थप अनुसन्धान भईरहेको डिएसपी विष्टले जानकारी दिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)