काठमाडौं : नेपाल भ्रमणमा रहेका चिनियाँ विदेशमन्त्री वाङ यीलाई भेट्न नेकपा माओवादी केन्द्रका अध्यक्ष पुष्पकमल दाहाल 'प्रचण्ड' नक्सालस्थित मेरिट होटल पुगेका छन् । केहीबेरपछि विदेशमन्त्री वाङ र प्रचण्डबीच भेटवार्ता हुनेछ। यसअघि विदेशमन्त्री वाङ यीले राष्ट्रपति विद्यादेवी भण्डारी र नेकपा अध्यक्ष केपी शर्मासँग भेटवार्ता गरेका छन्।
विदेशमन्त्री वाङले शनिबार प्रधानमन्त्री निवास बालुवाटार पुगेर प्रधानमन्त्री शेरबहादुर देउवासँग द्विपक्षीय छलफल गरेका थिए । चिनियाँ विदेशमन्त्री वाङ र परराष्ट्रमन्त्री नारायण खड्काबीच भेटवार्ता भएको थियो । सो क्रममा नेपाल चीनबीच विभिन्न ९ परियोजनामा हस्ताक्षर भएको थियो। चिनियाँ विदेशमन्त्री वाङ तीन दिने भ्रमण पूरा गरी आइतबार अपरान्ह स्वदेश फर्कदैछन् ।
चिनियाँ विदेशमन्त्री वाङ १९ सदस्यीय प्रतिनिधिमण्डलको नेतृत्व गर्दै चैत ११ गते नेपाल आएका थिए।
प्रतिक्रिया दिनुहोस !
