पर्वत विहादीको अध्यक्षमा कांग्रेसका गुरुङ र उपाध्यक्षमा एमालेका तिवारी विजयी
जेठ ५, २०७९ बिहीबार ९:२२:०
कुश्मा : पर्वतको बिहादी गाउँपालिकाको अध्यक्षमा गठबन्धनको तर्फबाट उम्मेदवारी दिएका नेपाली कांग्रेसका परविन गुरुङ निर्वाचित भएका छन्। गुरुङ ३ हजार ४६९ मत ल्याएर विजयी भएका हुन्। उनले नेकपा एमालेका उम्मेदवार ओम कुँवरलाई ५३२ मतान्तरले पराजित गरेका छन्। पराजित ओम कुँवरले २ हजार ९ सय ३७ मत ल्याएका छन्।
उपाध्यक्षमा भने नेकपा एमालेकी मिना तिवारी निर्वाचित भएकी छन्। तिवारीले ३ हजार २२७ मत ल्याएर विजयी हुँदा गठबन्धनको तर्फबाट उम्मेदवारी दिएका नेकपा माओवादीका सन्तबहादुर गुरुङले ३ हजार ५० मत ल्याएका छन्।
६ वडा रहेको विहादी गाउँपालिकामा ३ वडामा एमाले २ मा कांग्रेस र १ वडामा माओवादी विजयी भएको छ। वडा नं. १, ३, ५ मा नेकपा एमाले, २, ४ मा कांग्रेस र वडा नं. ६ मा माओवादी केन्द्रमा उम्मेदवार विजयी भएका हुन्। योसँगै पर्वतका ७ वटै स्थानीय तहको मतगणना सम्पन्न भएको छ।
प्रतिक्रिया दिनुहोस !
