खाँदबारी : सङ्खुवासभा अस्पतालमा कार्यरत कर्मचारीलाई कुट्पिट गरेको आरोपमा प्रहरीले एकजना पक्राउ गरेको छ ।
हेल्थ असिस्टेन्ट(एचए) तथा निवर्तमान प्रशासन प्रमुख दिपेश श्रेष्ठलाई अस्पतालका कर्मचारी माथि कुट्पिट गरेको आरोपमा पक्राउन गरिएको जिल्ला प्रहरी कार्यालय सङ्खुवासभाका डिएसपी विरेन्द्र गोदारले जानकारी ।
पिडितको उजुरिका आधारमा बुधबार बिहान श्रेष्ठलाई नियन्त्रणमा लिएको डिएसपी गोदारले बताए । पक्राउ परेका एचए श्रेष्ठले अस्पतालका फार्मेसी इन्चार्ज धिरज रौनियर र अस्पतालका सूचना अधिकारी समेत रहेका मेडिकल रेकर्डर सुपरभाईजर शेखर खत्रीलाई मंगलबार साँझ साढे ७ बजे अस्पतालकै क्वाटरमा बसिरहेको अवस्थामा कुटपिट गरेको अस्पताल सूचना अधिकारी खत्रीले जानकारी दिए ।
खत्रीले भने,‘हामी साँझ खानाखाएर अस्तालकै क्वाटरमा बसि रहेका थियौ एक्कासी कोठामा आएर दिपेश श्रेष्ठले म र धिरज रौनियार सरलाई आक्रमण गर्नभयो ।'
कुट्पिटपछि अस्तालका कर्मचारीसहित गएका पीडित रौनियार र खत्री तत्काल जिल्ला प्रहरी कार्यालय उजुरी दर्ता गराउन गएका थिए । यसअघि पनि श्रेष्ठले कर्मचारीहरुलाई हातपात गरेको आरोप थियो । केहि दिन अघि मात्र श्रेष्ठले प्रशासन प्रमुखको जिम्मेवारी अर्का एक हस्तान्तरण गरेका थिए ।
घटनाको बारेमा थप अनुसन्धान भइरहेको जिल्ला प्रहरी कार्यालयले जनाएको छ । कर्मचारी माथी आक्रमण भएपछि मंगलबार साँझ अस्पतालको सेवा समेत प्रभावित भएको थियो । कर्मचारी माथि आक्रमण भएपछि डाक्टर, नर्स तथा अन्य कर्मचारीहरुमा क्रास फैलिएको एक कर्मचारीले बताए ।
प्रतिक्रिया दिनुहोस !
