गोरखा : आसन्न निर्वाचनका लागि गोरखामा कूल मतदाता संख्या दुई लाख २० हजार छ सय ३७ कायम भएको छ।
निर्वाचन आयोगले गत शुक्रबार अद्यावधिक गरेअनुसार आउँदो मंसिर ४ गते हुने निर्वाचन प्रयोजनका लागि एक लाख नौ हजार ७७४ पुरुष र एक लाख १० हजार ८६३ महिला मतदाता कायम भएका हुन्।
कूल मतदातामध्ये प्रतिनिधिसभा क्षेत्र नम्बर १ मा एक लाख १५ हजार तीन सय ९७ मतदाता रहने भएका छन्। जसमा ५७ हजार ३७५ पुरुष र ५८ हजार २२ महिला रहेका छन्।
त्यस्तै प्रतिनिधिसभा क्षेत्र नम्बर २ मा एक लाख ५ हजार २४० मतदाता कायम भएका छन्। उनीहरूमध्ये ५२ हजार ३९९ पुरुष र ५२ हजार ८४१ महिला रहेका जिल्ला निर्वाचन कार्यालयले जनाएको छ।
यो संख्या आगामी मंसिर ३ गतेसम्म १८ वर्ष उमेर पूरा हुनेहरूको अद्यावधिक विवरण हो।
कार्यालयले प्रदेशसभा क्षेत्रको पनि मतदाता संख्या सार्वजनिक गरेको छ। जसअनुसार प्रतिनिधिसभा क्षेत्र नम्बर १ को प्रदेशसभा क्षेत्र 'क' मा ६० हजार ७४४ जना मतदाता रहेका छन्। जसमध्ये ३० हजार २३१ पुरुष र ३० हजार ५१३ महिला छन्।
प्रतिनिधिसभा क्षेत्र नम्बर १ को प्रदेशसभा क्षेत्र खमा ५४ हजार ६५३ मतदाता कायम भएका छन्। उनीहरूमध्ये २७ हजार १४४ पुरुष र २७ हजार ५०९ महिला रहेका जिल्ला निर्वाचन कार्यालय गोरखाले जनाएको छ।
यस्तै प्रतिनिधिसभा क्षेत्र नम्बर २ को प्रदेशसभा क्षेत्र 'क'मा ५० हजार ३७६ जना मतदाता कायम भएका छन्। जसमा २४ हजार ७२५ जना पुरुष र २५ हजार ६५१ जना महिला छन्।
क्षेत्र नम्बर २ को प्रदेशसभा क्षेत्र 'ख' मा ५४ हजार ८६४ मतदाता कायम भएका छन्। जसमा २७ हजार ६७४ पुरुष र २७ हजार १९० महिला छन्।
आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि जिल्लामा कूल मतदानस्थल दुई सय २२ रहने भएका छन्। मतदान केन्द्र भने तीनसय १७ वटा रहने कार्यालयले जनाएको छ।
प्रतिनिधिसभा क्षेत्र नम्बर १ मा १२९ मतदानस्थल र १७१ मतदान केन्द्र तथा क्षेत्र नम्बर २ मा ९३ मतदानस्थल र एकसय ४६ मतदान केन्द्र रहने कार्यालयले जनाएको छ।
निर्वाचनका लागि जिल्लामा सातवटा मतदानस्थल थपिएका छन भने १७ वटा मतदानस्थल सारिएको छ।
प्रतिक्रिया दिनुहोस !
