सप्तरी २ मा सिके राउतको अग्रता कायमै, उपेन्द्र पछ्याउँदै
राजविराज : सप्तरीको निर्वाचन क्षेत्र नम्बर २ मा जनमत पार्टीका अध्यक्ष सिके राउतले अग्रता फराकिलो बढाउँदै लगेका छन् । पछिल्लो मतपरिणामअनुसार राउतले १ हजार ६३४ मत पाएका छन् ।
गत निर्वाचनमा सोही क्षेत्रबाट निर्वाचित जसपाका अध्यक्ष उपेन्द्र यादवले ६ सय ७० मत ल्याएका छन् । सत्ता गठबन्धनका तर्फबाट लोसपाका जयप्रकाश ठाकुरले ४ सय ९१ मत मात्र ल्याएका छन् ।
सप्तरीको प्रदेश सभा २ ९१० मा जनमत पार्टीका सतिशकुमार सिंहले १ हजार ७२९ मत ल्याएर अग्रता फराकिलो बनाएका छन् । जसपाका शैलेन्द्रप्रसाद साहले ८ सय १४ मत र सत्ता गठबन्धनबाट लोसपाका सरोज कुमार मण्डलले ६ सय १९ मत ल्याएका छन् ।
सप्तरी २ ९२० मा पनि जनमत पार्टीका महेश प्रसाद यादवले १ हजार ४६७ मत ल्याएर अग्रता कायम गरेका छन् । सत्ता गठबन्धनबाट नेकपा माओवादी केन्द्रका उमेशकुमार यादवले ७०४ मत ल्याएर पछ्याएका छन् भने जसपाका लक्ष्मण यादवले ५ सय १३ मत ल्याएर तेस्रो स्थानमा रहेका छन् ।