काठमाडौं : मिटरब्याज पीडितमाथि प्रहरीले बल प्रयोग गरेको घटना अनुसन्धानका लागि छानबिन समिति गठन भएको छ। गृह मन्त्रालयले काठमाडौंका सहायक जिल्ला प्रमुखको संयोजकत्वमा ५ सदस्यीय समिति गठन गरेको हो।
उपप्रधानमन्त्री तथा गृहमन्त्री नारायणकाजी श्रेष्ठले घटनामा दोषी देखिएकालाई कारबाही गरिने बताए समितिले पाँच दिनमा प्रतिवेदन पेश गर्नेछन्।
सोमबार शान्तिवाटिकामा मिटरब्याज पीडित र प्रहरीबीच झडप भएको थियो। गृहमन्त्रीका अनुसार शान्तिवाटिकामा मिटरब्याज पीडितहरू बसेको स्थानमा बासको भाटा तथा इटा जम्मा भएको थियो। पीडितहरू निषेधित श्रेत्रमा प्रवेश गर्ने क्रममा प्रहरीले रोक लगाएपछि आन्दोलनकर्मीले ढुंगा र इटा प्रहार गरेका थिए। यसलाई रोक्ने क्रममा प्रहरी र पीडितमाथि झडप भएको थियो।
घटना घटेकोमा दुःख व्यक्त गर्दै गृहमन्त्रीले अब यस्ता घटना नघट्ने प्रतिबद्धता व्यक्त गरे। सबै पक्षलाई संयमित हुन उनको आग्रह थियो।
प्रतिक्रिया दिनुहोस !
