गृहसँगै स्वास्थ्य मन्त्रालय माग्यो रास्वपाले, देउवाले रविलाई भने- स्वास्थ्य दिन सक्दिनँ, गृहबारे प्रधानमन्त्रीसँग कुरा गर्नूस्
वैशाख २०, २०८० बुधबार १६:४९:१४
काठमाडौं : राष्ट्रिय स्वतन्त्र पार्टीले सरकारमा सहभागी हुने/नहुने विषयबारे शुक्रबार टुंगो लगाउँदैछ । त्यसअघि सरकारमा सहभागी हुने उद्देश्यले सो पार्टीका सभापति रवि लामिछानले सत्ता गठबन्धनका शीर्ष नेताहरूसँगको बैठकलाई तीव्रता दिएका छन् । गृह मन्त्रालयको नेतृत्व गरेर लामिछाने सरकारमा सहभागी हुन खोजेका छन् ।
प्रधानमन्त्री पुष्पकमल दाहाल 'प्रचण्ड'ले रास्वपा अध्यक्ष लामिछानेलाई गृह मन्त्रालय दिन सकिने जनाउ पनि दिइसकेका छन् । तर, वर्तमान गृहमन्त्री नारायणकाजी श्रेष्ठलाई व्यवस्थापन गर्ने विषयमा प्रधानमन्त्री दाहाललाई सकस पर्ने माओवादी केन्द्रका नेताहरूले बताएका छन् ।
लामो समय श्रेष्ठलाई गृहमन्त्री बनाउने पक्षमा स्वयं प्रधानमन्त्री दाहाल समेत नभएको स्रोतले बताएको छ ।
पर्यटनमन्त्री सुदन किराँतीले केही दिनअघि सार्वजनिक कार्यक्रमा प्रधानमन्त्री दाहालले लामिछानेलाई रोजेको मन्त्रालय दिएर सरकारमा ल्याउनु पर्ने बताएका थिए । लामो समय श्रेष्ठलाई गृहमन्त्री बनाउने पक्षमा स्वयं प्रधानमन्त्री दाहाल समेत नभएको स्रोतले बताएको छ ।
रास्वपा सभापति लामिछानेले नेपाली कांग्रेसका सभापति शेरबहादुर देउवा र प्रधानमन्त्री दाहालसँग भेट गरिसकेका छन् । देउवा र लामिछानेबीच मंगलबार भेट भएको थियो । भेटमा लामिछानेले गृह मन्त्रालय पाए आफू सरकारमा जाने देउवालाई जानकारी गराएका थिए ।
सभापति देउवाले गृह मन्त्रालयबारे प्रधानमन्त्री दाहालले निर्णय गर्न सक्ने तर, स्वास्थ्य मन्त्रालय कांग्रेसले नछाडने लामिछानेलाई जवाफ दिएका थिए ।
स्रोतका अनुसार,लामिछानेले देउवासँग स्वास्थ्य मन्त्रालयको समेत दावी गरेका थिए । सभापति देउवाले गृह मन्त्रालयबारे प्रधानमन्त्री दाहालले निर्णय गर्न सक्ने तर, स्वास्थ्य मन्त्रालय कांग्रेसले नछाडने लामिछानेलाई जवाफ दिएका थिए ।
कांग्रेस सभापति देउवाको भनाई उदृत गर्दै स्रोतले भन्यो,‘गृहमन्त्रालयमा माओवादीकै मन्त्री हुनुहुन्छ । तपाईंलाई गृह मन्त्रालय दिने/नदिने निर्णय प्रधानमन्त्रीज्यूलेनै दिनुहुन्छ । स्वास्थ्य मन्त्रालयल चाँहि कांग्रेसले नै राख्छ । पार्टीको आन्तरिक समस्या हल गर्नुछ । ’
भनेजस्तो मन्त्रालय नपाए सरकारमा जान नसक्ने समेत रास्वपाका नेताहरुले बताउँदै आएका छन् ।
पार्टीभित्रका आन्तरिक समस्या सुल्झाउनु पर्ने भएकाले स्वास्थ्य मन्त्रालय अन्य दललाई दिन नसकिने सभापति देउवाले भनेका थिए । भनेजस्तो मन्त्रालय नपाए सरकारमा जान नसक्ने समेत रास्वपाका नेताहरुले बताउँदै आएका छन् ।
पुस ११ गते प्रधानमन्त्री बनेका दाहालले ४ महिना वितिसक्दा समेत सरकारलाई पूर्णता दिन सकेका छैनन् । एकतर्फ रास्वपा सभापति लामिछाने सरकारमा सहभागी हुने मन्त्रालयको बार्गेनिङ गरिरहेका छन् भने अर्कोतर्फ आफै प्रधानमन्त्री बन्ने प्रयासमा राष्ट्रिय प्रजातन्त्र पार्टी,जनमत,नागरिक उन्मुक्ति पार्टीलगायत दलसँग छलफलमा जुटेका छन् ।
प्रतिक्रिया दिनुहोस !
