काठमाडौं : नक्कली भुटानी शरणार्थी प्रकरणको अनुसन्धानका लागि नेपाली कांग्रेसका नेता एवम् पूर्वगृहमन्त्री बालकृष्ण खाँणलाई जिल्ला प्रहरी परिसर काठमाडौं ल्याइएको छ ।
घटनाको अनुसन्धानका लागि खाँणलाई बुधबार बिहान उनकै निवासबाट नियन्त्रणमा लिएर परिसर ल्याइएको प्रहरी परिसर काठमाडौंका प्रमुख प्रहरी वरिष्ठ उपरीक्षक दानबहादुर कार्कीले जानकारी दिए।
सोही घटनामा संलग्न आरोपमा खाँडका स्वकीय सचिव नरेन्द्र केसी पनि पक्राउ परेका छन्। पक्राउ परेकाहरूले दिएको बयानका आधारमा प्रहरीले खाँड र उनका सहयोगी केसीलाई पक्राउ गरेको हो। घटनामा खाँडकी पत्नी मञ्जुको नाम पनि मुछिएको छ।
योसँगै क्कली भुटानी शरणार्थी प्रकरण आरोपित ११ जनालाई प्रहरीले पक्राउ गरिसकेको छ । यसअघि मंगलबार काठमाडौंको टोखाका रामशरण केसी र मोरङका गोविन्द चौधरीलाई समेत प्रहरीले पक्राउ गरेको थियो ।
त्यसअघि प्रहरीले पूर्वगृहमन्त्री रामबहादुर थापाका सुरक्षा सल्लाहकार इन्द्रजित राईसहित बहालवाला सचिव (तत्कालीन गृहसचिव) टेकनारायण पाण्डे, सन्दीप रायमाझी,केशव दुलाल, सानु भन्डारी, टङ्क गुरुङ, सन्देश शर्मा पोखरेल र सागर थुलुङलाई पनि पक्राउ गरिसकेको छ ।
उक्त घटनामा आरोपित नेकपा (एमाले) सचिव टोपबहादुर रायमाझीलाई भने प्रहरीले खोजी गरिरहेको छ। जिल्ला प्रहरी परिसरले उनीविरुद्ध सङ्गठित अपराधमा अनुसन्धान गरिरहेको छ । उक्त घटनामा हालसम्म १०६ जनाले जाहेरी दिएका छन् । उनीहरूले २३ करोड २५ लाख ठगी भएको भन्दै प्रहरीमा जाहेरी दिएका छन् ।
प्रतिक्रिया दिनुहोस !
