झापा : झापामा मोटरसाइकलको ठक्करबाट एक पैदलयात्रीको मृत्यु भएको छ। मृत्यु हुनेमा भारतीय नागरिक ६५ वर्षीय दिपराज चरज रहेको जिल्ला प्रहरी कार्यालय झापाले जनाएको छ।
कनकाई नगरपालिका-१ स्थित चुके कल्भर्टमा आइतबार बिहान बाटो पार गर्दै गरेका दिपराजलाई मे ९ प ५७४४ नम्बरको मोटरसाइकलले ठक्कर दिएको थियो।
ठक्करबाट घाइते भएका उनलाई बिर्ता सिटी अस्पताल पुर्याउना साथ चिकित्सकले मृत घोषणा गरेका थिए। यता मोटरसाइकलसहित चालकलाई इलाका प्रहरी कार्यालय अनारमनिले नियन्त्रणमा लिएको प्रहरीले जनाएको छ।
प्रतिक्रिया दिनुहोस !
