स्याङ्जाको सतौंचण्डीस्थानमा प्याराग्लाइडिङ उडान परीक्षण सफल
स्याङ्जा : पुतलीबजार नगरपालिका-१४, सतौंचण्डीमा प्याराग्लाइडिङ उडान परीक्षण सफल भएको छ।
शुक्रबार ९ जनाले प्याराग्लाइडिङ गरेका छन्। बाबु एडभेन्चर क्लबले गरेको परीक्षण सफल भएसँगै अबदेखि यहाँबाट प्याराग्लाइडिङ उडान गरिने भएको छ।
जिल्लाका ६ स्थानमा प्याराग्लाइडिङ टेक अफ साइड र ल्याण्डका लागि ९ स्थान निर्धारण भइसकेको छ।
क्लबका संस्थापक एवं प्याराग्लाइडर सानुबाबु सुनुवार र क्लवका अध्यक्ष कृष्णजंग केसी लगायतको ९ जनाले पालैपालो यहाँबाट प्याराग्लाइडिङ गरेर तोकिएको स्थलमा ल्याण्ड गरेका थिए।