पहिरो खस्ने क्रम रोकिएन, नारायणगढ मुग्लिन सडक सुचारु हुन आज दिनभरि लाग्ने
असार १५, २०८० शुक्रबार ९:३३:२६
चितवन : पहिरोले अवरुद्ध बनेको नारायणघाट-मुग्लिन सडक सञ्चालनमा आउन अझै केही समय लाग्ने छ। पानी परिरहेको र अझै पहिरो बारम्बार झरिरहेकोले पहिरो पन्छान आज दिनभरि लाग्ने सडक डिभिजन कार्यलयका सुपर भाइजर ईश्वर क्षेत्रीले जानकारी दिए।
हिजो दिउँसो दुईबजेतिर इच्छाकामना गाउँपालिका-५ स्थित तीन नम्बर पुलनजिकै सुख्खा पहिरो खसेको थियो। हिजोदेखि उक्त सडकमा सवारी सञ्चालनमा आउन सकेको छैन।
आज बिहान ६ बजेदेखि नै पहिरो पन्छाउने काम भइरहेको र उक्त कार्यका लागि २ लोडर १ स्काबेटरको प्रयोग गरिएको सुपर भाइजर क्षेत्रीले बताए।
पहिरोले सडकमा सवारी जाम भएकोले पोखरा जने सवारी पनि प्रभावित बनेको छ।
प्रतिक्रिया दिनुहोस !
