पहिरोमा बेपत्ता ५ जनाको खोजि गर्न आर्मी र एपीएफको टोली घटनास्थलमा
साउन २३, २०८० मंगलबार १३:१३:३६
काभ्रे : काभ्रेको खानिखोला गाउँपालिका सिक्रेदोभानमा बाढीमा बेपत्ताहरूको खोजि र उद्दारका लागि हेटौंडाबाट नेपाल आर्मी र सशस्त्र प्रहरीको टोलि आइपुगेको छ ।
बिहानदेखि स्थानीय जनप्रतिनिधि र प्रहरीको टोलीले बेपत्ताहरूको खोजि जारी रहेपनि बेपत्ताहरू भेटिएका छैनन् । बाढीमा बेपत्ताहरूको खोजी उद्धार गर्न खानीखोलाको गाउँपालिका अध्यक्ष इन्द्र बहादुर थिङ (छिन्ताङ) ले स्थानीय र सुरक्षा निकायसँग अनुरोध गरेका छन्।
बेपत्ताहरूको पहिचान नभएको गाउँपालिका अध्यक्ष थिङले बताए ।' हाम्रो अनुरोधमा अहिले हेटौडाबाट नेपाल आर्मी र एपीएफको टोली घटनास्थलमा थप खोज उद्धारका लागि पुगेको,'उनले भने।
पहिरोले घर पुर्दा एकजनाको उद्धार गरिएपनि उपचारको क्रममा मृत्यु भएको काभ्रे प्रहरीले जनाएको छ । खानीखोला गाउँपालका–५ स्थायी घर भई मकवानपुरको बागमती गाउँपालिका–५ सिक्रेदोभानमा बस्दै आएका अकलबहादुर स्याङतानको घर पहिरोले पुरिँदा उनको श्रीमती सञ्चमाया स्याङ्तानको उपचारको क्रममा मकवानपुर भोर्लेनीमा मृत्यु भएको थियो ।
सिक्रेदोभान पहिरोले एकै परिवारका ६ जना पुरिएका थिए । पहिरोमा परेर अंकलबहादुरसहित शिला स्याङ्तान,जीवन पहरी,२ वर्षीय तेज पहरी र १ वर्षीय देव्यणी पहरी र सिन्धुली हरिहरपुर १ का पासाङ घिसिङ बेपत्ता छन् ।
प्रतिक्रिया दिनुहोस !
