नुवाकोट : नुवाकोटको शिवपुरीमा आइतबार यात्रुवाहक गाडी दुर्घटना हुँदा १३ जना यात्रु घाइते भएका छन्। शिवपुरी गाउँपालिका-६ गुर्जेभन्ज्याङमा ना१ज ६३३१ नम्बरको टाटा सुमो दुर्घटना भएको हो।
काठमाडौंबाट यात्रु बोकेर नुवाकोटतर्फ आइरहेको टाटो सुमो दुर्घटनामा परि घाइते भएकाहरुमध्ये ६ जना गम्भीर रहेका छन्। सात जना उपचारपछि घर फर्किएका छन् । गम्भीर घाइते भएका ६ जनाको धापासिस्थित ग्राण्डी अस्पतालमा उपचार भइरहेको नुवाकोट प्रहरीले जनाएको छ।
अन्यिन्त्रित भएर दुर्घटना भएको टाटासुमो सडकदेखि ५ सय मिटर तल खसेको छ। जिल्ला प्रहरी कार्यालय नुवाकोटले सिन्धुपाल्चोकको चौतारा नगरपालिका - १३ का ३३ वर्षीय चालक भीमबहादुर तामाङलाई नियन्त्रणमा लिएर अनुसन्धान सुरु गरेको जनाएको छ।
प्रतिक्रिया दिनुहोस !
