गौशालाका सामुदायिक विद्यालय माघ १ गतेसम्म बन्द
गौशाला : गौशाला नगरपालिकाभरिका सामुदायिक विद्यालयहरूमा माघ १ गतेसम्मका लागि जाडो बिदा दिइएको छ। अत्यधिक चिसो बढेपछि नगरका सामुदायिक विद्यालयका प्रधानाध्यापकहरूको वैठकले माघ १ गतेसम्मका लागि बिदा दिइने निर्णय गरिएको हो।
नगरको शैक्षिक क्यालेण्डरअनुसार सो बिदा मिलाइएको नगरपालिकाको शिक्षा शाखाले जनाएको छ। प्रधानाध्यापकको बैठकमा भएको निर्णयअनुसार पुस २९ गतेसम्म चिसो बिदा दिइएको शिक्षा शाखाका सह संयोजक भरत सिंहले जानकारी दिए।
सहसंयोजक सिंहका अनुसार यहाँका सामुदायिक विद्यालयमा माघ १ गते माघी बिदा भएकाले सो दिन सार्वजनिक बिदा भएको र अब साविक झै माघ २ गतेदेखि विद्यालय सञ्चालनमा आउने छ।