दोलखामा गाडीको ठक्करबाट युवकको मृत्यु
![दोलखामा गाडीको ठक्करबाट युवकको मृत्यु](https://annapurnapost.prixacdn.net/media/albums/accident_20220221115319_Kt5t7wRE7D_EYoBN4Pa4f.jpg)
दोलखा : काठमाडौंवाट दोलखातर्फ आउँदै गरेको स्कुटरलाई विपरित दिशाबाट आउँदै गरेको गाडीले ठक्कर दिंदा दोलखा वैतेश्वरका एक युवकको मृत्यु भएको छ ।
सिन्धुपाल्चोकको सुकुटेमा भएको दुर्घटनामा दोलखाको वैतेश्वर गाउँपालिका—६ नाम्दुका २० वर्षीय प्रज्जवल तामाङको मृत्यु भएको हो ।
बा १९ च ९१२३ नम्बरको योद्धा गाडीले हिजो बेलुकी ७ बजे बागमती प्रदेश ०२०२७ प ८५६२ नम्बरको स्कुटरलाई ठक्कर दिएको थियो । सोही गाडीले बा ४२ प ४१६० नम्बरको मोटरसाइकललाई पनि ठक्कर दिएको थियो । दुर्घटनामा घाइते भएका ३ जनामध्ये प्रज्वलको मृत्यु भएको सिन्धुपाल्चोक प्रहरीले जनाएको छ ।
योद्धा गाडीले स्कुटीलाई ठक्कर दिँदा गम्भीर घाइते भएका तामाङलाई उपचारका लागि धुलिखेल लैजाँदै गर्दा बीच बाटोमै मृत्यु भएको थियो । गाडीको ठक्करबाट गम्भीर घाइते भएका युवकलाई अरु गाडीमा सवार यात्रुहरुले उद्धार गरी धुलिखेल अस्पताल पुर्याएका थिए । स्कुटीमा सवार उदयपुरको गाइघाट बस्ने युवती पनि घाइते भएकी छिन् । उनको शरीरको बिभिन्न भागमा चोट लागेको र धुलिखेल अस्पतालमा उपचार भइरहेको छ ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)