कपिलवस्तु : प्रथम कपिलवस्तु तिलौराकोट गोल्डकप फुटबल प्रतियोगिता वाणगंगा नगरपालिकाको बुद्ध रंगशालामा आजबाट सुरु भएको छ।
जिल्ला फुटबल संघको आयोजनामा सुरु भएको उद्घाटन खेलमा आयोजक टिम कपिलवस्तु ११ विरुद्ध थ्री स्टार ललितपुरले ३ गोलले विजयी बनेको छ।
खेलमा थ्री स्टार ललितपुरका निरज चौधरीले पहिलो र तेस्रो गोल गरेका थिए भने थ्री स्टारका अर्का खेलाडी दिपेश घलेले एक गोल गरेका थिए। आजको खेलमा थ्री स्टार क्लब ललितपुरका निरज चौधरी म्यान अफ द म्याच घोषित भएका छन्।
प्रतियोगिताको भूमि व्यवस्था, सहकारी तथा गरिबी निवारण मन्त्री बलराम अधिकारीले उद्घाटन गरेका थिए। प्रतियोगितामा प्रथम हुने टिमलाई ११ लाख ११ हजार १ सय ११ रुपैयाँ र दोस्रो हुनेलाई ५ लाख ५५ हजार ५ सय ५५ रुपैयाँ र शिल्ड, मेडल र प्रमाण पत्र दिइने अध्यक्ष तिलक थापाले जानकारी दिए।
प्रतियोगितामा नेपालका ’ए’ डिभिजनका क्लबसहित ८ टोलीको सहभागिता रहने छ। जसमा थ्री स्टार क्लब ललितपुर, त्रिभुवन आर्मी क्लब, मछिन्द्र क्लब, नेपाल पुलिस क्लब, सुदूरपश्चिम-११ धनगढी, साहारा क्लब पोखरा र आयोजक टिमबाट कपिलवस्तु -११ सहभागी रहेका छन्।
प्रथम कपिलवस्तु तिलौराकोट गोल्डकप फुटबल प्रतियोगितागोपाल भण्डारी व्यवस्थापन गर्नका लागि करिब १ करोड १८ लाख खर्च हुने अनुमान गरिएको छ।
प्रतिक्रिया दिनुहोस !
