एसपीजी अटोमोबाइल्सले प्राप्त गर्यो ‘आउटस्ट्यान्डिङ सेल्स’ र ‘इभि पायोनियर’ अवार्ड
वैशाख २४, २०८१ सोमबार १५:१९:५९
काठमाडौं : एसपीजी अटोमोबाइल्सले ‘२०२४ ओमोडा र जेइको डिलर्स फोरम’मा दुईवटा महत्वपूर्ण अवार्ड प्राप्त गरेको छ।
कम्पनीले फोरममा बहुप्रतिष्ठित ‘आउटस्ट्यान्डिङ सेल्स कन्ट्रिब्युसन’ र ‘इभी पायोनियर अवार्ड’ दुवै प्राप्त गर्दै नेपालको इलेक्ट्रिक गाडीको (इभी) बजारमा आफ्नो स्थानलाई उत्कृष्ट प्रमाणित गरेको हो।
शारडा ग्रुपका निर्देशक गौरव शारडाले यो उपलब्धी नेपाली ग्राहकहरूको असिम साथ-सहयोगले सम्भव भएको भन्दै आफूहरूलाई विश्वास गरेकोमा आभार व्यक्त गरे। ओमोडा ई५ इभी यही वर्ष फ्रेब्रुअरीमा लन्च गरिएकोमा नेपालमा अहिलेसम्म १ सय ५१ युनिट बिक्री भइसकेको छ।
ओमोडा ई५ ले अत्याधुनिक विद्युतीय प्रविधि, स्टाइलिस डिजाइन र आधुनिक सुविधाहरूका साथ नेपाली उपभोक्ताहरूको ध्यानाकर्षण र समर्थन प्राप्त गरेको छ र इभि साधनका लागि प्रमुख रोजाइको रूपमा बस्न सफल भएको छ। एसपीजी अटोमोबाइल्स प्रालि नेपालमा ओमोडा एण्ड जेइको अटोमोबाइल कम्पनी लिमिटेडको आधिकारिक वितरक हो।
प्रतिक्रिया दिनुहोस !
