दैलेख : दैलेखको सदरमुकाम दैलेख बजारमा आगलागी भएको छ। मंगलबार दिउँसो लागेको आगो अझै नियन्त्रणमा आउन सकेको छैन।
जिल्ला प्रहरी कार्यालय दैलेखका अनुसार दुईवटा पसल जलेर नष्ट भएका छन्। विद्युत् सर्ट भई नारायण नगरपालिका–१ स्थित साजन अटोपाट्सबाट आगो सल्किएको हो। आगो लागेर मोटरसाइकल ग्यारेज र उक्त ग्यारेजसँगै जोडिएको सम्झना फोटो स्टुडियो जलेर नष्ट भएको छ।
अहिले नेपाली सेना, नेपाल प्रहरी, सशस्त्र प्रहरी र स्थानीयबासीको सहयोगमा आगो निभाउने काम भइरहेको दैलेख प्रहरी प्रमुख डीएसपी सुनिल दाहालले बताए। आगो लागेको आधा घण्टापछि मात्र दमकल आगो ठाउँमा पुगेको थियो। आगो नियन्त्रणमा आई नसकेकाले क्षतिको विवरण आउन नसकेको प्रहरीले जनाएको छ।
प्रतिक्रिया दिनुहोस !
