बेचबिखनका लागि नाबालिकालाई भारत लैजान खोज्ने दुई जना पक्राउ
![बेचबिखनका लागि नाबालिकालाई भारत लैजान खोज्ने दुई जना पक्राउ](https://annapurnapost.prixacdn.net/media/albums/Pakrau_arrest_20211205143058_NKSSszdhL5_rrSJLjxWhh_ujfr9qAA17.jpg)
काठमाडौं : बेचबिखनका लागि नाबालिकालाई भारत लैजान खोज्ने दुई जना पक्राउ परेका छन्। पक्राउ पर्नेमा नुवाकोटको दुप्चेश्वर गाउँपालिका-६ घर भई काठमाडौंको तारकेश्वर बस्ने ३९ वर्षीय सम्बर बहादुर तामाङ र तादी गाउँपालिका-२ घर भई काठमाडौंको टोखा बस्ने ३३ वर्षीया इन्दिरा कटुवाल (तामाङ) रहेका छन्।
पोखरामा आफ्नै होटलमा वेट्रेसको काम भएको, सुरुमा महिनाको २० हजार तलब दिने र पछि तलब बढाउँदै लैजाने प्रलोभन देखाएर नाबालिकालाई भारत लैजान लागेका थिए। ललितपुर महानगरपालिका-२७ सुनाकोठीमा प्रतिवादीले पीडित नाबालिकालाई लैजाँदै गरेको अवस्थामा मानव बेचबिखन अनुसन्धान ब्यूरोको टोलीले फेला पारी उद्धार गरेको थियो।
पक्राउ परेका दुवै जनालाई मानव बेचबिखन तथा ओसारपसार मुद्दामा काठमाण्डौं जिल्ला अदालतबाट ५ दिनको म्याद थप अनुमति लिई आवश्यक अनुसन्धान भइरहेको ब्यूरोका सूचना अधिकारी ज्ञानेन्द्र प्रसाद फुयालले जानकारी दिए।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)