सौर्य विमान दुर्घटना

श्रीमती र छोरासँगै बिलाए मनुराज, अब घुम्न पाउने छैनन् पोखरा

श्रीमती र छोरासँगै बिलाए मनुराज, अब घुम्न पाउने छैनन् पोखरा

काठमाडौं : सौर्य एयरलायन्सको विमान दुर्घटनामा एकै परिवारका तीन जनाको मृत्यु भएको छ। सौर्य एयरलायन्सका प्राविधिक मनुराज शर्मा, उनकी श्रीमती प्रिजा खतिवडा र छोरा अधिराज शर्माको मृत्यु भएको हो।

पोखरा जाने भएपछि मनुराजले ससुरा प्रकाश खतिवडालाई फोन गरेर श्रीमती र छोरालाई पनि सँगै लैजाने बताएका थिए। पोखरामा सपरिवार घुमेर फर्किने मनुराजको चाहना थियो। मनुराजले सपरिवार पोखरा जाने इच्छा व्यक्त गरेपछि ससुरा प्रकाशले छोरी र नातिलाई विमानस्थल पुर्‍याइदिएका थिए।

छोरी र नातिलाई विमानस्थल पुर्‍याएर घर फर्किरहेका प्रकाशले बाटोमै विमान दुर्घटना भएको समाचार सुनेका थिए। उक्त घटनाले ससुरा प्रकाश र उनको परिवार शोकमा डुबेको छ। उनकी छोरी प्रिजा ऊर्जा मन्त्रालयमा कार्यरत थिइन्।

बुधबार विहान ११:११ बजे पोखराका लागि उडान भर्ने क्रममा सौर्य एयरलायन्सको CRJ7(Reg 9NAME) जहाज दुर्घटना भएको थियो। दुर्घटनामा १८ जनाको मृत्यु भएको नेपाल नागरिक उड्डयन प्राधिकरणले जानकारी दिएको छ।

जहाजका पाइलट मनिष शाक्यको भने उद्धार गरिएको थियो। उनको केएमसी अस्पतालमा उपचार भइरहेको छ। उक्त विमान उड्ने बितिकै दाहिनेतिर मोडिन गई रनवेको पूर्वतिर दुर्घटनाग्रस्त भएको प्रारम्भिक अनुसन्धानमा देखिएको छ।


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.