दुईजना गम्भीर
काठमाडौंबाट लमजुङ जाँदै गरेको माइक्रोबस शिवपुरीमा दुर्घटना,चालकसहित ११ घाइते
असोज १४, २०८१ सोमबार १३:४३:२६
नुवाकोट : नुवाकोटको शिवपुरीमा माइक्रोबस दुर्घटना भएको छ। दुर्घटनामा चालकसहित ११ जना घाइते भएको जिल्ला प्रहरी कार्यालय नुवाकोटले जानकारी दिएको छ। प्रहरीका अनुसार दुईजना गम्भीर घाइते रहेका छन् ।
काठमाडौंबाट नुवाकोटहुँदै लमजुङ जाँदै गरेको ग १ ख ४५३५ नम्बरको माइक्रो सोमबार दिउँसो शिवपुरीको भीरबाट खसेर दुर्घटनाग्रस्त भएको प्रहरी नायव उपरीक्षक तिलक भारतीले जानकारी दिए ।
काठमाडौं टोखा–छहरे–गंगटे सडकखण्डको बीचमा रहेको शिवपुरी गाउँपालिका- ७ अदुवारवारी घुम्तीमा माइक्रोबस सडकबाट एकसय ५० मिटर तल खसेको हो।
घाइतेहरूलाई उपचारका लागि काठमाडौं लगिएको प्रहरी नायव उपरीक्षक भारतीले जानकारी दिए। दुर्घटनालगत्तै स्थानीयवासी तथा प्रहरीले घाइतेको उद्दार गरेका थिए।
दुर्घटनाको थप विवरण संकलन भइरहेको प्रहरीले जानकारी दिएको छ।
प्रतिक्रिया दिनुहोस !
