सभामुखको आदेश टेरेनन्, संसद बैठक छाडेर हिँडे रास्वपाका सांसद

काठमाडौं : प्रतिनिधि सभाको बैठक सभामुख देवराज घिमिरेले दिएको आदेश उलंघन गरेका छन्। प्रतिनिधिसभा बैठक सुरू हुने वित्तिकै भने प्रतिपक्षी दल राष्ट्रिय स्वतन्त्र पार्टीका सांसदहरुले सिटबाट उठेर अवरोध गरेपछि सभामुख घिमिरेले दलीय आधारमा बोल्न समय निर्धारण गरिएकाले सोही समयमा आफ्नो धारणा राख्न आग्रह गरेका हुन्।
रास्वपाका सांसदहरूले उठेर विरोध जनाइरहेपछि सभामुख घिमिरेले अन्तत: कार्यसूची अघि बढाउन बसेर सहयोग गर्न आदेश समेत दिए। सभामुख घिमिरेले प्रतिनिधि सभाको नियमावली ७९ बमोजिम दफा १५ को ध्यानाकर्षण गराए।
उनले 'अघिल्लो बैठक र प्रारम्भ हुन लागेको बैठक बीचको अवधिको कुनै गम्भीर प्रकृतिको घटना वा विषयको सन्दर्भमा सरकारको ध्यानाकर्षण गराउन सदस्यले ढ्याप ढ्याप गरी समय माग गरेमा सभामुखले आकस्मिक समय उपलब्ध गराउन सक्नेछ' भन्ने ध्यानाकर्षण गराए।
तर सभामुख घिमिरेले पटक-पटक कार्यसूची अगाडि बढाउन आग्रह गरेपनि उनीहरूले अवरोध जारी राखेपछि संसद् बैठक अगाडि बढाए। सभामुखले संसद् बैठक अगाडि बढाएपछि रास्वपाका सांसदले भने बैठक छाडेर हिँडेका छन्। उनीहरुले आफूले १५ मिनेट बैठक बहिस्कार गरेको जनाएका छन्।
प्रतिक्रिया दिनुहोस !
