काठमाडौं : इन्डियन प्रिमियर लिग (आइपीएल)मा लखनउले तेस्रो जित हात पारेको छ। लखनउले कोलकत्ताविरुद्ध ४ रनले विजयी भएको हो।
लखनउले दिएको २३९ रनको लक्ष्य पछ्याएको कोलकत्ताले निर्धारित ओभरको खेलमा ७ विकेटको क्षतिमा २३४ रनमात्र बनाउनसक्यो। कोलकत्ताका रिंकु सिंहले अन्तिम ओभरमा आक्रामक ब्याटिङ गरे पनि त्यो जितका लागि पर्याप्त भएन। रिंकुल १५ बलमा ६ चौका र २ छक्का प्रहार गरेका थिए।
त्यस्तै कोलकत्ताका कप्तान अजिंक्या रहानले सर्वाधिक ६१ रन बनाए त्यस्तै भेन्कटेस आइएरले ४५, सुनिल नरैनेले ३ र क्विन्टन डककले १५ रन बनाए।
यसअघि टस हारेर ब्याटिङको निम्तो पाएको लखनउले निर्धारित ओभरको खेलमा ३ विकेटको क्षतिमा २३८ रन बनाएको थियो। लखनउका लागि निकोलस पुरनले सर्वाधिक ८७ रन बनाए त्यस्तै मिचेल मार्चले ८१ रन र ऐडेन मार्क्रमले ४७ रन बनाए।
प्रतिक्रिया दिनुहोस !
