युरोपेली संघले रुसमाथि नयाँ प्रतिबन्ध लगाउने

युरोपेली संघ (EU) ले रुसमाथि नयाँ प्रतिबन्धहरूको घोषणा गर्न लागेको छ। रुसी राष्ट्रपति भ्लादिमिर पुटिन मे १६ मा टर्कीको इस्तानबुलमा भएको युक्रेन शान्ति वार्तामा उपस्थित भएका थिएनन्। यसै कारणले गर्दा यी प्रतिबन्धहरू लगाइन लागेको जनाइएको छ। 

जर्मन चान्सलर फ्रेडरिक मेर्ट्जले मे १६ मा सामाजिक सञ्जालमा यसबारे पोस्ट गरेका थिए।

मर्ट्जले भनेका थिए, 'युक्रेनी राष्ट्रपति जेलेन्स्कीको इस्तानबुल भ्रमण एउटा ठूलो सद्भावना सन्देश थियो। पुटिन आएनन् र उनले आफूलाई गलत साबित गरे। हामी मंगलबार ब्रसेल्समा रुसमाथि नयाँ प्रतिबन्धहरूको घोषणा गर्नेछौं।'

रुस-युक्रेन वार्ता मे १६ मा टर्कीमा भएको थियो

मे १६ मा रूस र युक्रेन बीचको युद्ध रोक्न टर्कीको इस्तानबुलमा वार्ता भएको थियो। टर्कीका अधिकारीहरूले मध्यस्थता गरेको वार्तामा दुवै देशका प्रतिनिधिमण्डल उपस्थित थिए। यो कुराकानी २ घण्टाभन्दा कम समयसम्म चलेको थियो।

रुसी राष्ट्रपति पुटिनले वार्तामा उपस्थित हुन अस्वीकार गरेका थिए। त्यसपछि रुसी प्रतिनिधिमण्डलको नेतृत्व पुटिनका सहयोगी भ्लादिमिर मेन्डिन्स्कीले गरेका हुन्।

यसमा दुई देशबीच युद्ध रोक्ने सम्बन्धमा कुनै सम्झौता भएको थिएन। युक्रेनी अधिकारीका अनुसार वार्ताको लागि कम्तिमा अस्थायी युद्धविराम एउटा सर्त थियो  जुन रूसले अस्वीकार गरेको थियो।
 
रुस र युक्रेनबीच फेब्रुअरी २०२२ देखि युद्ध चलिरहेको छ। विगत ३ वर्षमा पहिलो पटक दुई देशबीच शान्तिको बारेमा प्रत्यक्ष वार्ता भएको थियो। युक्रेनी प्रतिनिधिमण्डलको नेतृत्व रक्षामन्त्री रुस्तम उमरोभले गरेका थिए।

वार्ता अघि जेनेल्स्कीले ट्रम्प र टर्कीका राष्ट्रपति एर्दोगानको सम्मान गर्ने भएकाले यो निर्णय लिएको बताएका थिए। जेलेन्स्कीले  रुसी प्रतिनिधिमण्डलमा वास्तवमा निर्णय लिने कोही पनि समावेश नभएको बताएका थिए।