केदारनाथ उडेकाे हेलिकप्टर सडकमा आपतकालीन अवतरण, पछाडिको भाग क्षतिग्रस्त
जेठ २४, २०८२ शनिबार १५:१५:०
काठमाडौं : शनिबार भारतको बधासु (सिरसी)बाट केदारनाथ उडान भरेको हेलिकप्टर प्राविधिक कारणले सडकमा आपतकालीन अवतरण गर्नुपरेको छ। हेलिकप्टरमा सवार सबै ५ यात्रु र पाइलट सुरक्षित रहेका छन्।
हेलिकप्टरको पुच्छर भागमा क्षति
दुर्घटनामा हेलिकप्टरको पछाडिको भागमा क्षति पुगेको छ। यस्तै ठक्करबाट राजमार्गमा पार्क गरिएको एउटा गाडीमा पनि क्षति पुगेको छ। घटनाको खबर पाउने बित्तिकै उत्तराखण्ड नागरिक उड्डयन विकास प्राधिकरणले नागरिक उड्डयन महानिर्देशनालयलाई रिपोर्ट रिपोर्ट गरेको छ।
अधिकारीहरूले यस विषयमा अनुसन्धान सुरु गरिएको बताएका छन्। दुर्घटनाको समयमा हेलिकप्टर केदारनाथ यात्रामा थियो र सबै यात्रुहरू तीर्थयात्री भएको बताइएको छ। अवतरण लगत्तै सबैलाई सुरक्षित रूपमा बाहिर निकालिएको छ।
चारधाम यात्रा सुरु भएपछि चौथो हेलिकप्टर दुर्घटना
चार धाम यात्रा सुरु भएदेखि यो चौथो हेलिकप्टर दुर्घटना हो। यसअघि पनि केदारनाथ हेलिप्याड नजिकै हेलिकप्टरको आपतकालीन अवतरण भएको थियो। जसमा एम्सका दुई डाक्टर र पाइलट जोगिएका थिए। प्रशासनले घटनाको गहन अनुसन्धान गर्न आदेश दिएको छ।
प्रतिक्रिया दिनुहोस !
