शरीरलाई विभिन्न रोगको संक्रमणबाट जोगाउन खनिजको आवश्यकता पर्छ। शरीरको रक्षा गर्नमा खनिजको महत्त्वपूर्ण भूमिका हुन्छ। त्यस्तै शरीरका कोषहरूको वृद्धि विकास र राम्रोसँग कार्यसञ्चालनको लागि क्याल्सियम, फस्फोरस, आयोडिन, फलाम आदि खनिज पदार्थहरू आवश्यक पर्छन्।
क. क्याल्सियमका कार्यहरू
– रगत जम्ने प्रक्रियामा सहयोग गर्छ।
– हात तथा दाँतको विकासमा यसको महत्त्वपूर्ण भूमिका रहेको हुन्छ।
– मांसपेशीय तन्तुहरू तथा स्नायु तन्तुहरूको काममा सहयोग गर्छ।
– मुटुको नियमित कार्यमा सहयोग गर्छ।
ख. फस्फोरसका कार्यहरू
– दाँत तथा हाडको वृद्धि र विकासमा सहयोग गर्छ।
– मांसपेशी खुम्चने र फुक्ने कार्यमा सहयोग गर्छ।
– चिल्लो पदार्थलाई पचाएर मांसपेशी र कलेजोमा भण्डारण गरेर राख्ने कार्यमा सहयोग गर्छ।
– यसले डीएनए र आरएनए निर्माणमा सहयोग गर्छ।
ग. आयोडिनका कार्यहरू
– शारीरिक तथा मानसिक विकासमा सहयोग गर्छ।
– थाइराइड ग्रन्थीले उत्पादन गर्ने थाइरोक्सिन हर्मोन उत्पादन गर्न सहयोग गर्छ।
– सुत्केरी आमाको स्तनमा दूध उत्पादन गर्ने कार्यमा सहयोग गर्छ।
– गलगाँड हुनबाट बचाउँछ।
प्रतिक्रिया दिनुहोस !
