हेटौंडा : मकवानपुरको हेटौंडा उपमहानगरपालिका -१५ स्थित डाईभरडाँडामा सवारी दुर्घटना हुँदा १० जना घाईते भएका छन्।
शनिबार दिउँसो पूर्व पश्चिम सडक खण्डमा वीरगन्जबाट हेटौंडातर्फ आउँदै गरेको ना ५ ख २९७० नम्बरको बस ब्रेक फेल भई विपरीत दिशाबाट जाँदै गरेको अनटेस्ट कार र वीरगन्जबाट हेटौंडातर्फ आउँदै गरेको ना ८ ख ४४० नम्बरको ट्यांकरलाई समेत पछाडिबाट ठक्कर दिँदा १० जना घाइते भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार बसमा सवार ४ र कारमा सवार ६ गरी कुल १० जना रहेका थिए। घाइतेहरूलाई उद्धार गरी उपचारको लागी हेटौंडा अस्पताल पठाएकोमा ६ जनाको अवस्था मध्यम र ४ जना सामान्य रहेको प्रहरीले बताएको छ।
प्रतिक्रिया दिनुहोस !
